Teacher's Diary គឺជាខ្សែរភាពយន្តមួយដែលនិយាយជីវិតជាគ្រូបង្រៀន ការតស៊ូរបស់គ្រូបង្រៀន ធ្វើគ្រប់បែបយ៉ាងឲ្យតែបានធ្វើការងារដែលខ្លួួនស្រលាញ់ ផលវិបាកនៃការធ្វើការខុសជំនាញ មនោសច្ចេតនារវាងគ្រូនឹងសិស្ស ការស្រលាញ់មនុស្សដែលយើងមិនស្គាល់ប្រវត្តិច្បាស់ ស្នេហ៍ខ្វែងគំនិតគ្នាជាដើម។ រឿងនេះក៏បានបង្ហាញឲ្យយើងចេះជ្រើសរើសផ្លូវដើរនៅក្នុងជីវិត ការជ្រើសរើសដៃគូរដែលមានគំនិតដូចគ្នា ការមិនបញ្ចូនកូនទៅរៀនដោយយកជីវភាពគ្រួសារជាធំ និងការខិតខំតស៊ូនៅក្នុងជីវិតដើម្បីឲ្យយើងសម្រេចបានគោលដៅនៅក្នុងជីវិត ហើយរឿង Teacher's Diary នេះ ក៏មានបង្ហាញពីច្ចេកទេស ដើម្បីឲ្យសិស្សនុសិស្សដែលហាត់រៀនផ្នែកវីដែអូ បានដឹងផងដែរដូចជា នៅពេលដែលយើងមើលរឿងនេះទៅធ្វើឲ្យយើងមានគំនិតច្នៃប្រឌិតក្នុងការនិពន្ធ តិចនិកក្នុងការថត ការកាត់ត ការសម្ដែង ពន្លឺ សំលេង និង ការច្នៃប្រឌិតផ្សេងៗ។
ទោះបីជាសាច់រឿងនេះមើលទៅមានភាពច្របូកច្របល់មែន ប៉ុន្តែមិនមានភាពសាុំញាុំនោះទេ ពីមួយវគ្គទៅមួយវគ្គមានភាពស៊ីចង្វាក់គ្នាខ្លាំងណាស់។ ការសម្ដែងរបស់តួអង្គនោះទៀតសោត គឺដូចជាចរិកពីធម្មជាតិ មិនដូចការសម្ដែងអីបន្ដិចទេ មិនមានភាពឆ្គងដែលគួរឲ្យចាប់អារម្មណ៍នោះទេ ហើយអ្វីដែលពិសេសនោះគឺអ្នកនិពន្ធ បាននិពន្ធមិនឲ្យតួអង្គទាំងពីរគឺអ្នកគ្រូ Ann និង លោកគ្រូ Song មិនបានជួបគ្នារហូតដល់ចុងបញ្ចប់នៃរឿង ដោយនៅពេលដែលតួអង្គទាំងពីរជិតបានជួបគ្នា ក៏បង្កើតជាបញ្ហាផ្សេងៗដើម្បីរារាំង នេះហើយគឺជាចំនុចសំខាន់នៃរឿងដែលធ្វើឲ្យរឿងនេះល្អមើល ធ្វើឲ្យអ្នកទស្សនាចង់តាមដាន មិនចង់ឈប់រហូតដល់ភ្លេចបាយទឹកក៏មាន។ បើចង់ដឹងថារឿងនេះមានភាពទាក់ទាញយ៉ាងណានោះ សូមមើលវីដេអូខាងក្រោមនេះទាំងអស់គ្នា។
0 Comments