ឯកឧត្តមទេសរដ្ឋមន្ត្រី
ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានជួបសំណេះសំណាលជាមួយក្រុមនិស្សិតជ័យលាភីទាំង៩រូបដែលទទួលបានអាហាររូបករណ៍
ហើយនិស្សិតទាំងនេះជាមន្ត្រីរាជការ
និងបុគ្គលិកនៅតាមក្រសួង ស្ថាប័ន និងវិស័យឯកជន
ដែលត្រូវទៅសិក្សានៅប្រទេសណូវែលហ្សេឡង់។ ការជួបសំណេះសំណាលនេះ
មានគោលបំណងដើម្បីទទួលបានអនុសាសន៍ណែនាំ ក៏ដូចជាការចែករំលែកបទពិសោធន៍ល្អៗ
ពីឯកឧត្តមទេសរដ្ឋមន្ត្រី មុនពេលធ្វើដំណើរទៅសិក្សានៅក្រៅប្រទេស។
ក្រុមនិស្សិតចំនួនប្រាំបួនរូបនេះ
នឹងត្រូវចេញដំណើរទៅសិក្សាលើមុខវិជ្ជាមួយចំនួនរួមមាន៖ គោលនយោបាយសាធារណៈ ការអប់រំ
ចំណីអាហារ ការគ្រប់គ្រងធុរកិច្ច និងសុខភាពសាធារណៈ
ក្រោមកម្មវិធីអាហារូបករណ៍អាស៊ាន-ណូវែលហ្សេឡង់។
ឆ្លៀតក្នុងឱកាសនោះដែរ
ឯកឧត្តមទេសរដ្ឋមន្ត្រី ស៊ុន ចាន់ថុល បានផ្តាំផ្ញើរឱ្យក្មួយៗនិស្សិត ធ្វើអំពើល្អ ជួយផ្សព្វផ្សាយអំពីការរីកចម្រើនរបស់កម្ពុជា
ខិតខំរៀនសូត្របន្ថែម
ដើម្បីត្រឡប់មកវិញបម្រើប្រទេសជាតិយើងអោយកាន់តែរីកចម្រើនមួយកម្រិតទៀត។
ឯកឧត្តមទេសរដ្ឋមន្ត្រី
ក៏បានគូសបញ្ជាក់ផងដែរអំពី៖ ការខិតខំប្រឹងប្រែងរបស់ក្រសួង ក្នុងការអភិវឌ្ឍ
និងធ្វើកំណែទម្រង់លើសេវាសាធារណៈកាត់បន្ថយពេលវេលាផ្តល់សេវា កាត់បន្ថយចំណាយ
បង្ខិតសេវាទៅជិតប្រជាពលរដ្ឋ
ពង្រឹងប្រសិទ្ធភាពក្នុងការអភិវឌ្ឍថែទាំហេដ្ឋារចនាសម្ព័ន្ធ ប្រកបដោយសុវត្ថិភាព និងតម្លាភាព។
..............អត្ថបទ
កែវ សុខហេង...........
..........រូបភាពក្រុមការងារក្រសួង..........
0 Comments