Tuesday, June 23, 2015

Kep: Several week ago, Kep seemed to be drought. But after week coming rainy season, so Kep province covered rain in more than week.



Until 23th June 2015 had rain in Kep, that continue since 20th June 2015 is rain don't have sun, not only even strong winds also.

Monday, June 22, 2015

          រឿងឈ្លបរាត្រី (Night Crawler) គឺជារឿងរបស់ប្រទេសអាមេរិក (American) ដែលជាស្នាដៃនិពន្ធ និង ដឹកនាំដោយ Dan Gilroy។​ រឿងនេះដែរចង់បង្ហាញពីបុរសម្នាក់ឈ្មោះថា Louis Bloom ដែលហ៊ានធ្វើគ្រប់បែបយ៉ាង ដើម្បីទទួលបានលុយ ទោះបីជារឿងនោះខុសច្បាប់ក៏ដោយ។ គាត់ព្យាយាមដើរស្វែងរកការងារធ្វើ ពេលមួយគាត់កំពុងធ្វើដំណើរតាមផ្លូវ ក៏បានជួបនឹងហេតុការណ៍គ្រោះថ្នាក់ចរាចរមួយ គឺមានឡានមួយបើកបុកនឹងបង្កាន់ដៃស្ពាន ហើយក៏មានអ្នកកាសែតមកយក ពត៌មាន គាត់ព្យាយាមតាមមើលគ្រប់ទង្វើដែលអ្នកកាសែតនោះធ្វើ ហើយក៏បានសួរនាំគេខ្លះៗ។ បន្ទាប់មកគាត់ក៏បានលួចកង់របស់គេ ដើម្បីយកទៅលក់ប្ដូរយកកាមេរ៉ាមួយ ពេលដែលបានកាមេរ៉ាហើយ គាត់ព្យាយាមស្វែងរកហេតុការណ៍គ្រប់ទីកន្លែងដើម្បីថតយកទៅលក់។

          ក្រោយមកគាត់ក៏បានស្វែងរកដៃគូរម្នាក់ឈ្មោះ Rick។​ មិនយូរប៉ុន្មានគាត់ក៏បានធូរធារជាមុន ហើយគាត់បានទិញឡានថ្មីមួយ​ និង កាមេរ៉ាថ្មីពីរ។ គ្រប់ពេលដែលគាត់ទៅយកពត៌មាន គាត់តែងតែប្រាប់គេថាគាត់មកពីកម្មវិធីទូរទស្សន៍ តែតាមការពិតគាត់មិនបានធ្វើការងារឲ្យក្រុមហ៊ុនណានោះទេ គឺគាត់ធ្វើវាដោយខ្លួនឯង ហើយបានយកពត៌មាននោះទៅលក់ឲ្យក្រុមហ៊ុនទូរទស្សន៍មួយ ហើយគាត់ក៏មិនបានរៀនពីវិជ្ជាជីវះសារពត៌មាន ច្បាប់របស់អ្នកសារពត៌មានដែរ។           មានហេតុការណ៍មួយបានកើតឡើងនៅផ្ទះមួយកន្លែង ហើយគាត់បានលួចចូលទៅក្នុងផ្ទះនោះដោយគ្មានការអនុញ្ញាត្តិពីម្ចាស់ផ្ទះរបស់គេ។ ក្រោយមកទៀតគាត់បានទៅយកពត៌មានគ្រោះថ្នាក់ចរាចរមួយ តែនៅពេលនោះមិនទាន់មានប៉ូលីសទៅដល់ទីនោះទេ ហើយដោយសារតែចង់បានវីដេអូល្អ គាត់បានធ្វើការផ្លាស់ប្ដូរហេតុការណ៍នោះដោយ គាត់បានផ្លាស់ប្ដូរទីតាំងរបស់បុរសម្នាក់ដែលមានគ្រោះថា្នក់នោះ។ ក្រោយមកមានហេតុការណ៍បាញ់សម្លាប់នៅក្នុងផ្ទះមួយ ហើយគាត់ជាមនុស្សដំបូងដែលបានទៅជួបហេតុការណ៍នោះមុនគេ គាត់បានថតយកមុខចោរនោះ ហើយនិងថតយករូបភាពផ្សេងៗដែលកើតមាននៅក្នុងហេតុការណ៍នោះដោយមិនរងចាំប៉ូលីសមកដល់សិននោះទេ។ ក្រោយពីបានពត៌មានហើយគាត់ក៏បានយកពត៌មាននោះទៅឲ្យស្ថានីយន៍ដែលគាត់តែងតែយកពត៌មានទៅលក់ឲ្យ ប៉ុន្តែចំពោះហេតុការណ៍នេះគាត់មិនបានយករូបភាពដែលគាត់ថតបានមុខចោរនោះទៅឲ្យទេ។ ពេលមួយគាត់បានជួបជាមួយចោរនោះ ហើយគាត់បានតាមដានចោរនោះ រួចក៏បានតេទៅប្រាប់ប៉ូលីស ការដែលគាត់ធ្វើដូច្នេះព្រោះតែចង់បានវីដេអូពត៌មានល្អ ពេលដែលប៉ូលីសបានមកដល់ទីតាំងដែលគាត់បានប្រាប់ គាត់រួមជាមួយដៃគូរក៏បានថតវីដេអូ ពេលដែលប៉ូលីសចូលទៅដល់ក្នុងហាង ក៏មានការបាញ់គ្នាជាមួយចោរនោះ បន្ទាប់មកចោរនោះក៏បានបើកឡានគេច ហើយប៉ូលីសក៏បានដេញតាម ហើយគាត់ក៏បានតាមថតហេតុការណ៍នោះដែរ ក្រោយមកទាំងឡានប៉ូលីស និង ឡានចោរក៏បានក្រឡាប់ ហើយគាត់បានឈប់ឡានដើម្បីថតវីដេអូនោះ គាត់ដឹងថាចោរដែលនៅក្នុងឡាននោះមិនទាន់ស្លាប់ តែគាត់បានប្រាប់ដៃគូររបស់គាត់មកថតនៅពីមុខគាត់ ពេលនោះចោរដែលនៅក្នុងឡានោះក៏បានបាញ់ដៃគូររបស់គាត់ស្លាប់នៅនឹងកន្លែង។

          តើអ្នកគិតថាទង្វើដែលគាត់បានធ្វើមកទាំងប៉ុន្មានខាងលើនេះតើត្រឹមត្រូវដែរឫទេ? ក្នុងនាមជាអ្នកសារពត៌មានម្នាក់ ត្រូវតែយល់ឲ្យបានច្បាស់ពីច្បាប់សារពត៌មាន ទង្វើដែលគាត់ធ្វើនេះវាមិនល្អទាំងស្រុងនោះទេ ថ្វីត្បិតតែគាត់មានភាពក្លានហាន និង ពុះពារគ្រប់
ឧបសគ្គ ដើម្បីស្វែងរកពត៌មានល្អៗ តែគាត់បានធ្វើខុសច្បាប់អ្នកសារពត៌មានដោយទៅយកពត៌មានមុនប៉ូលីស និង ធ្វើការផ្លាស់ប្ដូរសកម្មភាពហេតុការណ៍ មិនត្រឹមតែប៉ុណ្ណោះគាត់បានធ្វើខុសសីលធម៌ជាមនុស្ស ដោយបានគាត់ធ្វើឲ្យបុរសម្នាក់ទៀតស្លាប់ដោយចេតនា។

          - រូបភាពទី១ៈ http://timesofindia.indiatimes.com/thumb.cms?msid=45898065&width=218&height=310

          - រូបភាពទី២ៈ http://s2.dmcdn.net/GqMqR/1280x720-t94.jpg

Sunday, June 21, 2015

          ភ្លុយតុង ត្រូវបានគេស្គាល់ថាគឺជាភពដែលតូចជាងគេបំផុតក្នុងប្រព័ន្ធព្រះអាទិត្យ និងជាភពទី៩ផងដែរ។ ភពភ្លុយតុង គឺត្រជាក់ខ្លាំងណាស់ សីតុណ្ហាភាពនៅលើភពភ្លុយតុងគឺពី​ 375 ទៅ 400 អង្សារក្រោមសូន្យ។ ភពភ្លុយតុង គឺនៅឆ្ងាយពីភពផែនដី ដែលអ្នកវិទ្យាសាស្ត្រអាចដឹងតិចតួចបំផុតពីវា ហើយភពនេះត្រូវបានគ្រប់ដណ្ដប់ដោយទឹកកក។ ភពភ្លុយតុង ទទួលបានពន្លឺព្រះអាទិត្យតិចជាភពផែនដី តែវាមិនងងឹតដូចដែលយើងគិតនោះទេ។ ប្រសិនបើយើងចេញទៅខាងក្រៅនៅពេលថ្ងៃច្បាស់ ពិពភលោកនៅជុំវិញយើងនឹងទៅជាស្រអាប់ដូចនៅលើផ្ទៃរបស់ភពភ្លុយតុង។
          ភពភ្លុយតុងតែងតែនៅកន្លែងមួយ ហើយអង្គការណាសា (NASA)​​ ចង់ឲ្យអ្នកឃើញនូវទិដ្ឋភាពនោះ ដោយប្រើធាតុក្រាហ្វិកអន្តរកម្មថ្មី ដែលផ្ដល់នូវពេលវេលាបប្រហាក់ប្រហែលទៅនឹងទីតាំងរបស់អ្នក។ ចេញក្រៅ ហើយអ្នកនឹងបានឃើញថាភពភ្លុយតុងដូចអ្វី! ថតរូប ហើយនឹងចែករំលែកវានៅលើបណ្ដាញសង្គមជាមួយភពភ្លុយតុង។ ពួកយើងនឹងបញ្ជាក់ពីចំនួននៃការបាញ់ប្រហារ​ គួរឲ្យចាប់អារម្មណ៍បំផុតពីជុំវិញពិភពលោក ហើយនិង រៀបចំរូបថតរបស់អ្នកទៅជារូបភាពគំនូរវិចិត្រនៃភ្លុយតុង ហើយព្រះច័ន្ទនឹងបង្ហាញខ្លួននៅខែសីហា។

          បន្ទាប់ពីធ្វើដំណើរជាង៩ឆ្នាំ នឹងត្រូវឆ្លងកាត់ជើងមេឃថ្មីដែលមានចំងាយប្រមាណ ៧​ ៨០០ ម៉ាយ (១២​​ ៥០០គីឡួម៉ែត) នៅពីលើផ្ទៃរបស់ភពភ្លុយតុង ដែលកំពុងឈានជិតដល់នៅម៉ោង ៧ៈ៤៩​am នៅថ្ងៃអង្គារ ទី១៤ ខែកក្កដា។
          បេសកកម្មជើងមេឃថ្មី​ (New Horizons) គឺជាកម្មវិធីព្រំដែនថ្មី (New Frontiers) ជាលើកដំបូងរបស់អង្គការណាសា (NASA)។

         - រូបភាពដោយអង្គការណាសា​ (NASA)
         - បកប្រែអត្ថបទដោយ សេន​ ចាន់ដារ៉ា

Tuesday, June 9, 2015



  • សណ្ឋាគារ Gili Lankanfushi ដែលស្ថិតនៅលើកោះ Lankanfushi នៃប្រទេស ម៉ាល់ឌីវ ត្រូវបានចាត់ចូលជាសណ្ឋាគារ លំដាប់ថ្នាក់លេខ១ លើពិភពលោក
  • សណ្ឋាគារនេះ មានវីឡាសរុប ទាំងអស់មាន ចំនួន៤៥ 
  • លើសពីនេះទៅទៀត សណ្ឋាគារមានគោលការណ៍មួយដែល អាចឲ្យភ្ងៀវទេសចរណ៍សប្បាយរីករាយ និង សេវាកម្មរហ័សទាន់ចិត្ត
បរទេស៖ នាពេលថ្មីៗនេះ TripAdvisor ដែលជាវេបសាយ ទេសចរណ៍ដ៏ ធំមួយបាន បង្ហាញពី ទីតាំង សណ្ឋាគារលេខ១ នៅក្នុងពិភពលោក។ ដែលវាជា ទីតាំងមួយមាន សម្រស់ធម្មជាតិ ដ៏ស្រស់ស្អាត ហើយត្រូវបាន មនុស្សជាច្រើន ចាត់ទុកថា ជាឋានសួគ៍ នៅលើពិភពលោក នេះតែម្តង។

យោងតាមរបាយការណ៍ របស់វេបសាយ TripAdvisor បានបង្ហាញ ឲ្យដឹងថា សណ្ឋាគារ Gili Lankanfushi ដែលស្ថិតនៅលើកោះ Lankanfushi នៃប្រទេស ម៉ាល់ឌីវ ត្រូវបានក្រុមហ៊ុន វេបសាយដ៏ ធំមួយនេះ ចាត់បញ្ចូលជា សណ្ឋាគារលំដាប់ លេខ១នៅលើ ពិភពលោក ក៏ព្រោះទីតាំង របស់វា ហ៊ុំព័ទ្ធទៅដោយ សម្រស់ធម្មជាតិ ដ៏ស្រស់ត្រកាល ក្រៃលែង។

       ទេសភាពដ៏ស្រស់ស្អាតនាពេលល្ងាចនៅលើកោះ Lankanfushi

សណ្ឋាគារនេះ គឺសង់ជា របៀបវីឡា ដែលសរុប ទាំងអស់មាន ចំនួន៤៥ និងត្រូវបាន សង់ឡើង នៅលើទឹកសមុទ្រ ខៀវស្រងាត់ ឆ្នេរខ្សាច់ សក្បុស រួមជាមួយនឹង ខ្យល់សមុទ្រដ៏ ស្រស់ថ្លា។ លើសពីនេះទៀត នៅមានគោលការណ៍ ដ៏អស្ចារ្យមួយទៀត របស់សណ្ឋាគារនេះ ដែលតម្រូវឲ្យ ភ្ញៀវទេសចរ ទាំងអស់មិនត្រូវ ពាក់ស្បែកជើង និងរកមើល ព័ត៌មានពី តំបន់ខាងក្រៅ ទៀតនោះឡើយ ដោយពួកគេ គ្រាន់តែរីករាយ ជាមួយទិដ្ឋភាព ដ៏ស្ងប់ស្ងាត់ របស់មហាសមុទ្រ បែបធម្មជាតិ និងសេវាកម្ម លក្ខណៈឯកជន ទាន់ចិត្ត។
    វីឡាមួយចំនួនក្នុងចំណោមវីឡាទាំងអស់នៅក្នុងសណ្ឋាគា Gili Lankanfushi
មិនត្រឹមតែ ប៉ុណ្ណឹងទេនៅមាន ហេតុផលជាច្រើន ផ្សេងទៀត ដែលទីតាំង សណ្ឋាគារមួយនេះ បានទាក់ចិត្ត ភ្ញៀវទេសចរ ជាច្រើននាក់ មកកំសាន្ត នៅទីនេះ ហើយព្រមទាំង ក្លាយជាសណ្ឋាគារ លំដាប់ទី១ នៅក្នុងពិភពលោកនោះ៕

ប្រភពៈ khmerload (ខ្មែរឡូត)
រូបភាពទី១ៈ http://www.khmerload.com/images/uploads/201506/090933088f88e513611af08099824.jpg
រូបភាពទី២ៈ http://www.khmerload.com/images/uploads/201506/0909330841a2087caf2e3d4097479.jpg

Sunday, June 7, 2015


រឿងថៃ Dangerous Boy បានផ្តល់ការអប់រំដល់ ក្រុមក្មេងស្ទាវដែលចូលចិត្តវាយតប់គ្នានៅក្នុងសាលា នៅតាមវត្ត ឫកម្មវិធីផ្សេងនៅក្នុងភូមិជាដើម។ ដោយឡែកនៅក្នុងភាពយន្តថៃមួយនេះវិញ មានក្រុមក្មេងស្ទាវពីរក្រុមដែលមកពីសាលាខុសគ្នា ហើយក្រុមក្មេងស្ទាវទាំងពីរនេះតែងតែប៉ះទង្គិចគ្នាជាញឹកញាប់ ឲ្យតែជួបគ្នាមិនថាពេលយប់ ឫពេលថ្ងៃនោះទេ។ ចំណែកខាងណារករឿងខាងណាមុននោះ ពេលដែលបានទស្សនារឿងនេះហើយគឺប្រាកដជាដឹងហើយ។

នៅចំនុចចាប់ផ្តើមនៃរឿងយើងប្រាកដជាឆ្ងល់ថា ហេតុអីបានជាក្រុមក្មេងស្ទាវទាំងពីរក្រុមនេះមានបញ្ហាជាមួយគ្នា។ តើពួកគេវាយតប់គ្នា ឌឺដងដាក់គ្នាដើម្បីអ្វី? ហើយនេះជាចម្ងល់ដែលអ្នកនិពន្ធបាននិពន្ធឡើងធ្វើឲ្យអ្នកមើល ឆ្ងល់។

នៅចំនុចដំបូងពេលដែលវាយតប់គ្នារួចហើយ គ្រូខាងកូនសិស្សខោរខ្មៅ ក៏បានសួរនាំរកហេតុផលដែលបណ្ដាលឲ្យមានជម្លោះកើតឡើង។ ពេលនោះមានកូនសិស្សម្នាក់ក្នុងចំណោមនោះបាននិយាយថា ពួកគេវាយគ្នាដើម្បីសាលា ចំណែកម្នាក់ទៀតនិយាយថាពួកគេវាយគ្នាដើម្បីជួយមិត្តភក្តិ។ ប៉ុន្តែចម្លើយទាំងអស់នេះមិនបានធ្វើឲ្យគ្រូពេញចិត្តនោះទេ។ ចំណែកនៅសាលាខាងកូនសិស្សខោរខៀវវិញ លោកនាយកសាលាបានហៅអាណាព្យាបាលសិស្សដែលមានបញ្ហាមកជួបដើម្បីដសួររកហេតុផលដូចគ្នា។
  
សម្រាប់បញ្ហាពិតប្រាកដ ដែលធ្វើឲ្យពួកគេវាយតប់គ្នា នៅមិនទាន់រកមូលហេតុជាក់លាក់នៅឡើយ។ លុះត្រាតែយើងមើលវីដេអូនេះដោយយកចិត្តទុកដាក់ និង តាមដានឲ្យបានល្អិតល្អន់នោះយើងនឹងដឹងពីមូលហេតុហើយ ព្រោះអ្នកនិពន្ធមិនមែននិពន្ធឲ្យតួអង្គនិយាយពីហេតុផលដែលបណ្ដាលឲ្យមានជម្លោះនោះទេ។

ដោយបញ្ហាការឈ្លោះទាស់ទែងគ្នាចេះតែបន្តជាហូរហែរមិនព្រមឈប់ ទោះបីជានាយកសាលាទំាងពីរបានហៅអាណាព្យាបាលមកសួររកមូលហេតុជាញឹកញាប់ និង ហៅអ្នកដែលមានបញ្ហា មកធ្វើការណែនំា ជាច្រើនលើក ច្រើនសារក៏ដោយ។

មកដល់ពេលនេះ មូលហេតុដែលនំាឲ្យមានការវាយតប់គ្នា ចាប់ផ្តើមបង្ហាញបន្តិចម្តងៗ តាមដំណាក់កាលនីមួយៗរបស់សាច់រឿង។ ដូច្នេះមូលហេតុទី១ ដែលនាំឲ្យសិស្ស សាលាទំាងពីរក្រុម ធ្វើការវាយតប់គ្នាគឺ មកពីអាណាព្យាបាលទំាងសងខាង។ ដោយម្តាយរបស់សិស្សឈ្មោះ ទីង (Teng) សិស្សខោរខ្មៅ ស្រលាញ់កូនពេកទោះបីជាកូនរបស់គាត់ខូចខិលយ៉ាងណា ក៏នៅតែថាកូនរបស់គាត់ល្អ មិនចេះរករឿងអ្នកណា កាន់ជើងកូន មិនប្រដៅកូនឲ្យបានល្អ ហើយថែមទាំងឲ្យកូនធ្វើអ្វីតាមចិត្តទៀត។ ​ចំណែកឯម្តាយខាង សិស្សឈ្មោះ ប៉េង​ (Peng) សិស្សខោរខៀវ ដោយសារតែម្ដាយជាមនុស្សដែលប្រមឹក ផឹកស្រាជាប្រចំា មិនសូវ មានពេលប្រដៅកូនឲ្យបានល្អ និង ខូចចិត្តរឿងប្ដីដែលរស់នៅដាច់ដោយឡែកពីគ្នា បៀបដូចជាលែងលះគ្នា។

មូលហេតុទី២ គឺ មកពីសាលាតែ ដោយសាលាមិនល្អ មិនបានធ្វើឲ្យសិស្សគោរពតាមវិន័យដែលបានកំណត់។ បើមើលតាមសាច់រឿងបានឲ្យដឹងថា យុវជនដែលសិក្សានៅសាលាដែលមានឯកសណ្ឋាន ខោខ្មៅ ជាសាលាដែលសិស្សមិនមានការគោរពវិន័យ សិស្សមិនគោរពគ្រូ គ្រូមិនមានវិជា្ជជីវះក្នុងការបង្រៀនសិស្សច្បាស់លាស់។ ដូចនេះហើយបានជាសិស្សក្លាយជាក្មេងស្ទាវប្រឆាំងគ្នាទាំងពីរក្រុម។

ចំណែកមូលហេតុទី៣ គឺមកពីសិស្សខ្លួនឯងផ្ទាល់ ដោយបងធំក្មេងស្ទាវទាំងពីរក្រុមបានស្រឡាញ់ស្រីតែមួយដែលនំាឲ្យមានការច្រណែនគ្នា គុំគួនគ្នា។ ដោយទីង និង ប៉េង ស្រឡាញ់ស្រីម្នាក់ដូចគ្នា ហើយស្រីនោះស្រលាញ់ប៉េង ទើបធ្វើឲ្យ ទីងមានការច្រណែន ខឹងសម្បារជាមួយប៉េង ហើយតាមរករឿងប៉េង ប្អូនប៉េង និងប៉ះពួកមិនឈប់។ ប៉ុន្តែភាគច្រើនទីងតែងតែរករឿងវាតប់ប្អូនប្រុសរបស់ប៉េង ឈ្មោះប៉ាង ឲ្យតែជួបនៅទីណាគឺតាមវាយនៅទីនោះ ទោះជាទីសាធារណក៏ដោយ ដោយហេតុស្រលាញ់ប្អូនប្រុសរបស់ខ្លួនទើបប៉េងមិនអាចបញ្ឈប់ការវាយតប់គ្នានេះបាន ព្រោះចង់សងសឹកឲ្យប្អូនប្រុសដែលត្រូវគេធ្វើបាប។

https://www.google.com.kh/search?q=dangerous+boys&biw=1280&bih=655&source=lnms&tbm=isch&sa=X&ei=EVN0VZi2IoLemAW_xYGQAg&ved=0CAYQ_AUoAQ#tbm=isch&q=dangerous+boys+nick&imgrc=l5ZFec2nE7MN-M%253A%3BxqTClYqYRVLK-M%3Bhttp%253A%252F%252F2.bp.blogspot.com%252F-AYMLRVgD4-0%252FVMh2S8-LPkI%252FAAAAAAAAAgg%252FhHMdRwauVhw%252Fs1600%252F10358753_578053062317329_3843565597129815019_n.jpg%3Bhttp%253A%252F%252Fnickkunatippindpradab.blogspot.com%252F2014%252F08%252Fhay-hay-phob-gan-laew-sekarang-mimin.html%3B640%3B425


ទាំងនេះហើយសុទ្ធសឹងតែជាហេតុផលធំៗ ដែលបានបណ្ដាលឲ្យមានបញ្ហាឈ្លោះទាស់ទែង វាយតប់គ្នាមិនចេះចប់មិនចេះហើយ នៅក្នុងរឿង Dangerous Boys។

អ្នកទស្សនាប្រាកដជាឆ្ងល់ទៀតហើយថា ចុះបើនៅតែជួបមុខគ្នាពេលណាវាយគ្នារហូតអញ្ចឹង! តើបញ្ហានេះអាចដោះស្រាយបានដែរឬទេ? បើអាច ដោះស្រាយបានដោយរបៀបណា? តើនរណាជាអ្នកដោះស្រាយវា?

ចំនុចចុងក្រោយនៅក្នុងរឿងគឺនៅក្រោយពេលដែល ប៉ូលីសបានចាប់ខ្លួនពួកគេហើយ អាណាព្យាបាលរៀងៗខ្លួន បានមករំដោះកូនចេញពីប៉ុស្តិ៍ប៉ូលីស ទោះបីជាពួកគាត់គ្មានប្រាក់ក៏ដោយ។ ពេលនោះហើយដែលក្រុមក្មេងស្ទាវទាំងនោះបានចាប់ផ្តើមនឹកដល់ម្តាយឪពុកដែលស្រឡាញ់កូន ហើយនឹកឃើញកំហុសរបស់ខ្លួន ជាបណ្តើរៗ។  ក្រោយមកប៉េង និង ប៉ាង​ បានសូមអង្វរម្តាយឲ្យឈប់ផឹកស្រា ហើយត្រូវរ៉ូវគ្នាជាមួយប្តីរបស់គាត់វិញ។

ការវាយតប់គ្នារបស់ក្រុមទំាងពីរនៅមិនទាន់ចប់ដូចដែល អ្នកមើលបានគិត នោះទេ។ ដោយក្រុមទំាងពីរ បានធ្វើការប្រយុទ្ធគ្នាជាលើកចុងក្រោយ ហើយលើកនេះក្រុមទំាងពីរនេះធ្វើការប្រយុទ្ធគ្នាដោយមានលក្ខណះខុសពី លើកមុនៗ។
ក្រុមម្ខាងកាន់ដំបង គ្រប់ដៃ ហើយក្រុមម្ខាងទៀងកាន់ កាំបិត ពូថៅ ដុំថ្ម គ្រប់ដៃ។ ទំាងពីរក្រុមសម្លឹងភ្នែកដាក់គ្នាហាក់ដូចជាចង់ស៊ីសាច់ហុតឈាមគ្នាទៅវិញទៅមក រួចស្រែក ថា ប្រយុទ្ធ។
សម្រែក ឮកងរំពង រត់ដោយដៃកាន់អាវុធរៀងៗខ្លួន សម្រុកចូល។ នៅពេលនោះគឺមានអ្វីមួយដែលធ្វើឲ្យក្មេងស្ទាវទំាងពីរក្រុមទំលាក់អាវុធចោលរៀងៗខ្លួនហើយរត់ទៅអោបគ្នា ធ្វើជាមិត្តភក្តិ។ ក្រោយភ្លៀង មេឃស្រឡះ
ក្លាយពីសត្រូវមកមិត្តវិញ ដោយការដឹងខ្លួនឯង។  ពួកគេនឹកឃើញ ហើយភ្ញាក់សា្មរតីដោយខ្លួនឯង។ ហើយឈប់ប្រព្រឹត្តិអំពើក្មេងស្ទាវពីពេលនោះទៅ៕

https://www.google.com.kh/search?q=dangerous+boys&biw=1280&bih=655&source=lnms&tbm=isch&sa=X&ei=EVN0VZi2IoLemAW_xYGQAg&ved=0CAYQ_AUoAQ#q=dangerous+boys&tbm=isch&tbs=isz:l&imgrc=jn_OsLqP16Es4M%253A%3B8kLKAeh7EGXBXM%3Bhttp%253A%252F%252Fi.ytimg.com%252Fvi%252Fp4Iwle7XL2I%252Fmaxresdefault.jpg%3Bhttp%253A%252F%252Fwww.youtube.com%252Fwatch%253Fv%253Dp4Iwle7XL2I%3B1920%3B1080

https://www.google.com.kh/search?q=dangerous+boys&biw=1280&bih=655&source=lnms&tbm=isch&sa=X&ei=EVN0VZi2IoLemAW_xYGQAg&ved=0CAYQ_AUoAQ#q=dangerous+boys&tbm=isch&tbs=isz:l&imgrc=s1zrhZlaWqmaKM%253A%3BhQU223mKCTXCYM%3Bhttp%253A%252F%252Fi.ytimg.com%252Fvi%252Fdxj2rqWmol0%252Fmaxresdefault.jpg%3Bhttp%253A%252F%252Fwww.youtube.com%252Fwatch%253Fv%253Ddxj2rqWmol0%3B1920%3B1080






           ពត៌មានអំពីវីដេអូៈ
   - អ្នកផលិត (Producer): Poj Anon
   - អ្នកនិពន្ធ (Script writer): Anon
   - អ្នកដឹកនាំ (Director): Poj Phasit